யக்ஷன் புஸெ ப்ரஸ்னெனுக் யுதி4ஷ்டி2ரன் தி3யெ ஜெவாப்3. - Yaksha Prasnam

Yaksha Prasnam - Q & A between Yaksha and Yudhisthira in Mahabharat

Sourashtra Translation: Sri Joottu Thiagarajan
Contributors: Sri Ramesh Neelmegh, D.L. Sivakumar

யக்ஷன் புஸெ ப்ரஸ்னெனுக் யுதி4ஷ்டி2ரன் தி3யெ ஜெவாப்3

( 1 )
யக்ஷன்:
ஒண்டெ மெனிகுக் கொ2ப்3பி3ம் ஸெரரீ: கப3ட3ரியோ காயோ ?

யுதி4ஷ்டி2ரன்:
தை4ர்யமூஸ் ஒண்டெமெனிகு3க் கொ2ப்3பி3ம் ஸெரரீ: கப3ட3ரியோ!
***

( 2 )
யக்ஷன்:
மெனிக் கோனக் பு3த்3தி4மான் ஹோரியோ?

யுதி4ஷ்டி2ரன்:
மொ:ட்டானு ஸெர ர:நிமூஸ் மெனிக் பு3த்3தி4மான் ஹோரியோ!
***

( 3 )
யக்ஷன் :
பெய்ர் பிக்கட3த்தெங்க ஸ்ரேஷ்ட் ஹொயெயொ கொல்லெ?

யுதி4ஷ்டி2ரன்:
பெய்ர் பிக்கட3த்தெங்க பொவ்ஸ் ஸ்ரேஷ்ட் ஹொயெயொ!
***

( 4 )
யக்ஷன்:
த4னவான்கன், புத்3தி4வந்துடு3கன் ரி:யெதிமெள்ளொ,,கோன்மெனிக்
ஜிவ்லேத் ர:தோஸ் ஜீவ் நீ:ஸ்தெனஸொகன் ரா:ரியொ ?

யுதி4ஷ்டி2ரன்:
தேவுனுக், பொ2வ்னானுக், கரம்சாரினுக், மொ:ட்டானுக் யெங்கொ
ஹொயெ மர்க்3யாத்ஸெர க2வ்னமுன் தேனாத்தெனொ
***

( 5 )
யக்ஷன்:
பா4ர் க2ள்ளத்தெமாம் பொ4ய்ங் ஸொம்மர் ஸக்தி ஹொயெயொ கொல்லெ?

யுதி4ஷ்டி2ரன்:
ஒண்டெ மாயி மொன்னு.
***

( 6 )
யக்ஷன்:
ஒண்டெ மெனிகு3க் அகாஷ் ஸொம்மர் உன்சயொ காயோ ?

யுதி4ஷ்டி2ரன்:
தெக பா3ப்.
***

( 7 )
யக்ஷன்:
வரொ ஸொம்மர் பி3ஸ்ஸஹொயெயொ காயோ ?

யுதி4ஷ்டி2ரன்:
மெனிகு மொன்னு.
***

( 8 )
யக்ஷன்:
ஒண்டெ பொஸ்கெக் ஸொம்மர் மெள்ளி அலக்ஷ்யம் கெர்னஹோரியொ கொல்லெ ?

யுதி4ஷ்டி2ரன்:
சிந்தனொ ( கவலை )
***

( 9 )
யக்ஷன்:
நிஞ்சி ர:தொ தொ3ளொ ஜ:ய்(க்3)லுனாத்தக் ரா:த்தெ கொல்லே?

யுதி4ஷ்டி2ரன்:
ம:ளி
***

( 10 )
யக்ஷன்:
உஜெப2ராது3க்மெள்ளி ஹல்லுனாத்தக் ரா:த்தெ காயோ ?

யுதி4ஷ்டி2ரன்:
அண்டொ3
***

( 11 )

யக்ஷன்:

கா3ம் ஸொட்3டி3 ஜாரஸ்தெகொ ஸெர ரா:ந் ஸிங்கயித் கோன் ?

யுதி4ஷ்டி2ரன்:
தென் ஸிக்கெ வித்4யான்
****

( 12 )

யக்ஷன்:

பி3ஸ்ஸ (உத்3வேகு3) ஹால் ஹொட3ரியொ கொல்லே ?

யுதி4ஷ்டி2ரன்:
நெத்3தி3
***

( 13 )

யக்ஷன்:

தெக் கொ4ம்மொ ரா:த்தெக ஸ்நேஹம் கோன் ?

யுதி4ஷ்டி2ரன்:
தெக த4ர்ம பத்னி
***

( 14 )

யக்ஷன்:

ரோகி3க் கோன் ஸ்நேஹம் ?

யுதி4ஷ்டி2ரன்:
சொக்கட் ஒய்து3
***

( 15 )
யக்ஷன்:
மொரஞ்ஜான் வேளும் ரா:த்தெக3, கோன் ஸ்நேஹிது3 ?

யுதி4ஷ்டி2ரன்:
தென் கெரெ தெ4ரும்.
***

( 16 )
யக்ஷன்:
கீர்தி கொமாம் ஸ்தி2ரம் ஹோரியோ ?

யுதி4ஷ்டி2ரன்:
ஒன்டெனொ கெரன் தா4நும் தெக் கீர்தி ஸ்தி2ரம் ஹோரியொ!
***

( 17 )
யக்ஷன்:
ஒன்டெகொ ஸ்வர்கு3 அப்3ப3த்தெ கொ2ப்3பொ3
ஸ்தி2ரம் ஹோரியோ ?

யுதி4ஷ்டி2ரன்:
ஸெத்து கப3ள்ளினும்.
***

( 18 )
யக்ஷன்:
ஒண்டெ மெனிகு3க் ஸுஹம் கொகொ3ஹால் ஸ்தி2ரம் ஹோரியோ ?

யுதி4ஷ்டி2ரன்:
சொக்கட் சல்லினுமூஸ் ஒண்டெக ஸுஹம் ஸ்தி2ரம் ஹோரியோ !
***

( 19 )
யக்ஷன்:
ஒண்டெ மெனிக் அப்3ப3ள்ளன் லாபு3ம் கோனெ ஸ்ரேஷ்ட் ஹொயெயொ ?

யுதி4ஷ்டி2ரன்
ரோக்3 நீ:ஸ்தெ ஜிவ்னம்.
***

( 20 )
யக்ஷன்:
ஒண்டே மெனிக் அப்3ப3ள்ளன் ஸுக2முனும் மொ:ட்டொயொ கோனே?

யுதி4ஷ்டி2ரன்:
மொன்னு த்ருப்தி.
***

( 21 )
யக்ஷன்:
ஸ்ரேஷ்ட் ஹொயெ தெ4ரும் கொல்லெ ?

யுதி4ஷ்டி2ரன்:
அஹிம்ஸை!
***

( 22 )
யக்ஷன்:
கோனெ அண்சுலத்தெமாம் து3:க்குன் நீ:த்தக் கெர்லுவாய் ?

யுதி4ஷ்டி2ரன்:
மொன்னு அண்சிலெத் து3:க்குன் அவ்நா!
***

( 23 )
யக்ஷன்:
கோனெ ஸொட்3நிம் மெனிக் துஸ்ரெதெங்க ப்ராமாக் பாத்ரு ஹோரியோ ?

யுதி4ஷ்டி2ரன்:
க3ர்வு ஸொடெ3த்தெனொ துஸ்ரெதெங்க ப்ராமாக் பாத்ரு ஹோரியொ!
***

( 24 )
யக்ஷன்:
கோனே ஸொட்3நிம் மெனிக் கெஷ்டமுனும் ரீ: ஒத்தரியோ ?

யுதி4ஷ்டி2ரன்:
ராக்3 ஸொடெ3 மெனிகுக் கெஷ்டமுன் ரா:நா!
***

( 25 )
யக்ஷன்:
அர்து2 ஹொயெ மெனிக் கோன் ?

யுதி4ஷ்டி2ரன்:
த4ர்ம விரோது3 ஆஸ்தான் ஸொடெ3 மெனிகூஸ் அர்து2 ஹொயெஸ்தெனொ!
***

( 26 )
யக்ஷன்:
மெனிக்ஹால் ஜெகுன்சன்முஸுனா ஸத்ரு கோன் ?

யுதி4ஷ்டி2ரன்:
க்ரோத்4 ( ராக்3 )
***

( 27 )
யக்ஷன்:
முஸுனாரோக்3 கொல்லே ?

யுதி4ஷ்டி2ரன்:
மிஞ்செ ஆஸ்தொ!
***

( 28 )
யக்ஷன்:
கோன் ஸாது ?

யுதி4ஷ்டி2ரன்:
ஸகல ஜீவுன் ஹோர் ப்ராமொஸெர ரா:த்தெனொ.
***

( 29 )
யக்ஷன்:
தை4ர்யம் கொல்லெ ?

யுதி4ஷ்டி2ரன்:
இந்த்3ரியமுன் அண்சுலத்தேஸ் தை4ர்யம்!
***

( 30 )
யக்ஷன்:
ஸ்ரேஷ்ட் ஹொயெ ஸ்நான் கொல்லே ?

யுதி4ஷ்டி2ரன்:
மொன்னும் ரா:ந் முரிகுன் ஜவள்ளத்தேஸ் ஸ்ரேஷ்ட் ஹொயெ ஸ்நான்.
***

( 31 )
யக்ஷன்:
கோன் மெனிக் பண்டி3த்3 ஹோரியோ ?

யுதி4ஷ்டி2ரன்:
தெ4ருமுன் ஜன்லி அனுஷ்டா2ன் கெரத்தெனோஸ் பண்டி3த்3.
***

( 32 )
யக்ஷன்:
கோன் நாஸ்திகன் ? கோன் மூர்கு2டு3?

யுதி4ஷ்டி2ரன்:
நாஸ்திகநூஸ் மூர்கு2டு3.
***

( 33 )
யக்ஷன்:
கோனெ ட4ம்ப4ம் ?

யுதி4ஷ்டி2ரன்:
தென்கெரன் தெ4ருமுன், கா3ம் களாத்திஸ கெரத்தேஸ் ட4ம்ப4ம்.
***

( 34 )
யக்ஷன்:
ஒண்டெக, ஒண்டெ வெது3ர் வெது3ர்கன் ரா:ந் த4ர்மார்த்தகாம்யம் தி2நூயொ
ஒண்டெதேட் செரிரா:த்தெ மெனத்தெ கோனக் சலய் ?

யுதி4ஷ்டி2ரன்:
தெ4ரும்கின் த4ர்மபத்னி செரி கர்மான் கெரன்வேள்னும், த்யே கொ4ம்மொ
தெ4ருமு, அர்த்து2, காமம் தி2நூயொ செர்லுடய்.
***

( 35 )
யக்ஷன்:
கோன் மெனிகுக் ஸுட்டுனா நரக்3 ப்ராப்தி ஹோய் ?

யுதி4ஷ்டி2ரன்
தா4ந் தெ3வுஸ் மெனி ஒப்பிலி, ப2ல்லொ நீ: மெனத்தெனோ;
வேது3மு, த4ர்மானுஷ்டா2நுமு, பித்ருனு கர்மானுமு, சொட்3ட3வத்தான்
கெரெத்தெனோ; ஐஸ்வர்யமுன் தொ2வ்லிமெள்ளி ஹொயெத்தெங்க
தே3னாத்தெனோ; யெங்கொ அஸ்கி ஸுட்டுனா நரக்3 ப்ராப்தி ஹோய்.
***

( 36 )
யக்ஷன்:
உஜினிமு, வேத்3மென்னிமு, த3ர்மஸாஸ்தரு ஞானுமு, ஸீலமு, எமாம்
கொல்லெஹால் ப்3ரஹ்மண்யம் ஹோரியோ ?

யுதி4ஷ்டி2ரன்:
ப்3ரஹ்மண்யமுக் காரணோ, உஜினிதீ, த4ர்மஸாஸ்தரு ஞான்தீ, வேத் மென்னிம் ஒண்டெ நா: ஸீலமூஸ் ப்3ரஹ்மண்யமுக் காரணொ; ஸீலம் நீ:த்தெனொ கோன் ஹொயெதின்னு விர்தா2கூஸ்.
செது3வு, ஸாஸ்த்ர ஞானு ஒண்டேஸ் ப2லன் தே3த்தெமெனி ஹட்வி தெல்லெ ஒண்டெ தெ4ல்லி ரா:ஸ்தெனு மு:டா3நூஸ். தென் ஸிக்கெ ஸாஸ்தர்தா4நுக் சல்லஸ்தெனோஸ் பண்டி3த்3. ஸீலம் ஸெர,
யாகு3ம் அபி4மான் ஸெந்தொ, இந்த்3ரியமுன் அண்சிலி ஜிவத்தெனோஸ் ப்3ரஹ்மண்.
***

( 37 )
யக்ஷன்:
கு3ள்ளெகன் வத்தான் கெரத்தெங்க காய் அப்3ப3ரியோ?

யுதி4ஷ்டி2ரன்:
தெனு து3ஸ்ரெதெங்க ப்ராமொ ஜொடு3ஞ்சுலரியோ !
***

( 38 )
யக்ஷன்:
ஆலோசனொ கெரெப2ல்லோஸ் கார்யமுன் கெரத்தெக3 காய் அப்3ப3ய் ?

யுதி4ஷ்டி2ரன்:
ஜெயம் அப்3ப3ய்!
***

( 39 )
யக்ஷன்:
ஸொந்தோஷ் கொங்கொ அப்3ப3ரியொ ?

யுதி4ஷ்டி2ரன்:
ரீண் நீத்தெனகன், ஜிவத்தக் கா3ம் ஸொட்3டி3 கா3ம் ஜாத்திஸ நீ:த்தெனகன்,
தெக பஜேஹொயெ ருவ்வ க2வ்னம் ஹொயெதிமெள்ள கொ4ம்மோஸ்
அப்3ப3ள்ளத்தெனகன் கோன் ஸேகீ தெனோ ஸொந்தோஷும் ரா:ய்
***

( 40 )
யக்ஷன்:
நிச்சு சல்லேத் ஸேத்தெ காயோ ?

யுதி4ஷ்டி2ரன்:
ஜீவுன் நிச்சு யெமலோகு3க் ஜிலேத் ரா:த்தெ.
***

( 41 )
யக்ஷன்:
பு4லகுர் ஆஸ்சர்யம் கோனெ?

யுதி4ஷ்டி2ரன்:
யெமலோகு3க் நிச்சு ஜீவுன் ஜிலேத் ஸேத்தெ ஸீதிமெள்ளி
மென்க்யான் தெங்க மொரன் நீ: ஸொகன் ஹட்விலி சொக்கட்
கெ3தி பொந்த3த்திஸான் காமுன் கெர்னாத்தகூஸ் தி3ந்னு
விர்தா2க் ஜவள்ளுட3ராஸ். தெல்லேஸ் ஆஸ்சர்யம்!!!
***************

அம்ரெ நாயகி ஸ்வாமின் - Bridal Mystic - Sri Natana Gopala Swamigal of Madurai

Original in English: Kavi Yogi Suddhananda Bharati

https://www.auro-ma-ramalingam.org/.../nayaki_swamigal.pdf

Sourashtra Adaptation: Sri Joottu Thiagarajan (அம்ரெ நாயகி ஸ்வாமின்)
--------
அம்ரெ நாயகி ஸ்வாமின் (1)

"ஹரி ஹரி ஹரி ஹரி ஹரி மெநி க3வி
ஆனந்தி3 நாசி மொன்னு!
பாப் ஜாய் புன்னவை பரந்
தா4மா மென் க4வி நசொ!
நிச்சு நிச்சு ஸ்ரீ அச்சுத நாராயணா
மெனி க3வி நாசி -பி4த்தர்
ஜெஜ்ஜு ஜாய் க3வி நாசி !
இஸ, லாஜுன் ஸொட்3டி3
வீது3ம் ஹுத்ரி பரந்தா4ம
நமம் க3வி நசி ஸ்ரீமந் நாராயணூஸ்
அம்ரே தே3வ் மெனி ப்ரக3ட்3ணு கேர் மெனி
ஹோரு ஹோருக் ஒளொ கீர்தனானும்
பொ3லிம்கன் க3வ்லேத் ஹொதிராஸ்
அம்ரெ நாயகி ஸ்வாமின் !
இஸான் இன்புதே3ந் கீர்தனானு
புண்ய ஸ்த2லமு, பவித்ரு ஹொயெ
மது3ரெம் உஜி ஹொடெ3
அம்ரெ மொ:ட்டான் நிச்சு நிச்சு
அய்கி அனுப4வின்சத்தக்
ஜு:க்கு தீ3தொ2வி ஹொதிராஸ் !
நாயகிஸ்வாமின் கீர்தனானு கொ2ப்3பி3ம்
தெங்க கானும் ரீ:ங்கா3ர் ஹொய்லேத்
ஹொதிரெஸ்; மகா3ம் தெனு உட்சன்
சுத்துர் மெள்ளி தென் க3வன் கீர்தனானுகு
தளம் தெட்டிலெத் ஹொதிரெஸ்.. எல்லெ
ருவ்வ மெள்ளி வேன்கெரி லிக்கெ வத்தான் நா:
மொர் தொ3ளொஹோர்ஸீ கான் ஹோர் அய்கெயோஸ்!
( சளீஸ் ஒர்ஸு முது3ல் )

( பா4ஷாபி3மானின் / ஸமூஹ அபி3மானின் /
அம்ரெ இஷ்டுல்னு ஸ்ரீ ஸிவகுமார் மொர் ஜொவள்
மெல்லெ தா4நுக் தென் த4ட்3தி3யெ ஒண்டெ
article .க்.மொர் அனுவாத், மொர் ரீதி4ம் லிக்கி
த4ட்3தீ3ரியொ, எமாம் அவன் உன்னான் ஹெடி
தெ3க்கடோ3; உபி3ர்னும் துமி பொந்தெ3 ஸொம்புன்
களடோ3: த3யகெரி அவஸ்யம் comment கெரோ ) .


அம்ரெ நாயகி ஸ்வாமின் (2)
ஒண்டே ஸொவ் ஒர்ஷு முது3ல் நாயகி பா4வமு
ஆண்டாளு கொண்டே க4ல்லி, ஹளத்தோண் மொஸி து4வி
முக்குர், தவ்னட், தெ3ண்டான், ஒட்3டி3யானம் க4ல்லி
ஸவ்லோ பி2ல்லி, தெங்க ஒண்டெ ஹரி ப4க்துடு ஒண்டே நா: ,
தெல்லே ஹரிகூஸ் ப்ரேமி மென் ஹட்விலி, நசிலி, கீ3துன் க3வ்லி
அய்யான், அம்மான்; ந:ந்நஹொடா3ந், தொ3வ்ரான்;
ஸேத்தெனு, நீத்தெனு; செவ்தி3யாத்தெனு, செவ்து3நாத்தெனு;
மெனன் பே4த் கொன்னீஸ் நீத்தக், தெங்க பஸ்கட் ஒண்டெ
கோ3ஷ்டிக் வஸீக3ரம் கெர்லி, தெனு தா3ர் தா3ர்னுக் ஜீ பி3க்ஷ மக்3லி
அவன் வேள்னும் தெல்லெ தெல்லெ கொ4ம்மானு அம்மான் ர2க்கி ரீ:
அச்சுதா3, முகு2ந்தா, ஸ்ரீ ராமா, கோ3விந்தா3, கேஸவா, மெனி
ப4க3வத் நமமுன் அஸ்கி மெனி ப3க்தி ஸெர பி3க்ஷ க4லி
ஸ்வாமின் ஜொவள் ஸொம்புகன் ஆஸீர்வாத் க2ள்ளன்.

அம்ரெ நாயகி ஸ்வாமின் (3)

நாயகி ஸ்வாமின் பரம் பொந்தி3 ஸொவ் வொர்ஷு ஹொல்லொ
ஹொய்யொ மெனராஸி. ஹொயெத் அம்ரெ அந்தராத்மா தெல்லெ
ஒப்புலரனி; தெங்க கீர்தனானும் அமி மொன்னு தொ2வ்தெதி,
அம்ரெ மொன்னு ஸொம்பும் து4ங்கமிள்ளஸு; நாயகி ஸ்வாமின்
அம்ரே மொன்னுனும் ஹுத்ரி நசமிள்ளஸுன்.

அம்ரே ஸமூஹமுக்கு3ரிம்சி அஸ்கிதெங்க
களாயி; ஸௌராஷ்ட்ர தேஸும் ரீ: உண்டகன் அவ்ரி:யொ;
மஹாராஷ்ட்ரு, தெலுகு3தேஷ் வாட், அவ்னாருக் ஜிவட3ந்
அம்ரெ தமிழ் தேஸும் அவி ஸ்திரங்கன் மது3ரெம் ரீ; ஜிவரி;யொ.

எனு அவத்தெவேளும் ஸாந்தி வெக்கிலீஸ் அவ்ரியாஸி; ஹாலி,
ஸாந்தம் எங்கொ ஸெர உஜே கு3ண்ணுகன் ஸே!

ஜத, எனு கு3ஜராத்தும் ர:தொ பரமேஸ்புருகூஸ் பாய்ம்பொட்3லேத்
ஹொதிராஸ்; தெலுகு3 தேஷ் த3டி3 அவன் வேள்னுமூஸ் எனு
வைஷ்ணவமு மர்சய்ராஸ் மெனி களான் அவரஸ்.

இஸான் ஸௌராஷ்ட்ர குலமு கொப்பான் ஸ்ரீரங்கா3ர்யானு-
ஸ்ரீமதி லக்ஷ்மி அம்மானுகு உஜெ ஸாத் நு:ருன்னும், பெ3ட்கான்
தீ3தெனு, தெமாம் அம்ரெ நாயகி ஸ்வாமின் தி3வ தெனு.
எங்கோ மாய் பா3ப் தொ2வெ நாவ் " ராம ப4த்3ரன் "

அம்ரெ நாயகி ஸ்வாமின் (4).

அம்ரெ ராம் பொ4த்3து3ர்னு சாலுன்
தெனு ந:ந்ந பில்லகன் ர:த3ரீஸ், து3ஸ்ரெ
ஸாதா4ரண் பில்லலு ஸொகன் ஹொதிரெனி.
கொ2ப்3பி3ம் அலக்3க3 ரா:த்தெமோஸ்
த்யே பில்லா மொன்னு ஸொம்பு பொந்தி3ல்ரெஸ்.

"ஸொம்பு ஸொம்பு ஏகாந்தூஸ் ஸொம்பு"
மெனெ ஸொகனூஸ் ஹொதிர்யாஸ்.
ருவ்வொ மொ:டொ ஹொடி பொள்டமுக்
ஜாத்தெப்ராயம் அவெஸ். ஜென்யாத்தெனு பொள்டமுக்
பொ3ல்லி லேஜ்ஜி ஸொடி3யாஸ்.
ஸங்கி3 ஸிக்கட3ந் ஞானின் பொள்டமுனும் ஜி
ஒங்கி3 ஸிக்கி அம்கொ ஸவைரஸ்கீ ?
அம்ரெ ராம் பொ4த்3து3ர் மெள்ளி தெல்லெ
விதி4க் விரோத்கன் ஹொதிரானி.

த்யே காலமு பொள்டமு செது3வுக்
ஹிந்தொ3 ஸொகன் முக்2யத்வம் தீ3ரானி.
ஹாலி ராம் பொ4த்3து3ர் மெள்ளி
செவ்தெ3 செதுவ் பு2ரொ மென் ஹட்விலெத்தெமாமு,
மாய் பா3ப் கொ2ம்மா மகா3ம் பொ3ல்லி அனி பி3ஸட்டியா.
எல்லே ஜிவ்னம்மெள்ளி த்ருப்தி
நீ:த்தக3நூஸ் ஜிலேத் ஹொதிரெஸ்.
கே4ர் ஸொட்3டி3 கொங்கிஜொவள் புஸுல்னாத்தக்
ப4ராட் ஜேட3த்தே; சிந்தனாமூஸ் ரா:த்தே; தா2ம் அப்3பெ3த்தாம்
நிஞ்சத்தே.. இஸ தி3ந்நுன் ஜிலேத் அவெஸ்.

அம்ரெ நாயகி ஸ்வாமின் (5)

இஸ ஒண்டெ தி3ன்னு ப4ராட் ஜியாத்தெனு,
கொ4ம்மொ பி2ரி அவியானி.
கா3ம்அஸ்கி வெக்கி முஜ்ஜொ; அப்3யானி.
தின்னுன் ஜிலேத் அவெஸ் !
ருவ்வதி3ந்நு ப2ல்லொ ராம்பொ4த்துர் சின்னமலெ
பஸ்கட் ஸேத்தெ தொ3ங்க3ரு கு4வ்வாம் தபஸிகன் ஸே,
தேட் கோந்தி கய்தி தி3யெத் க2ய்லி கொன்னி
அப்3பு3நாத்தெ வேள்னும் தேட் ஹொடி3 ஸேத்தெ
( கற்றாளை & எட்டி பொள்ளான் ) க2யி போட் பொ4வ்ரிலி
தி3ன்னுன் கம்டி3லேத் ஸே மெனி அய்கினி பொடி3
ராம்பொ4த்3து3ர்னு அம்பொ3, தெங்க பொ3வி
பொ3ல்லியவன் ஜியாஸ். பெ3டா3க் ஸானாத்திக்காம்
மாயி தொ3ளாம்பனி நெத்3தி3ஹொய்யோ !.

கொ4ம்மொ ஆவ்பா3! -- (மாய்).
மீ தேட்3 அவி காய்கெரு அம்பா3 ? - (பெ3டொ3)

மாய்:
பொள்டமு ஜீ செவ்தெ3நி; மகா3ம் பி3ஸி வினெனி;
ஆவ்பா3, அஸ்கிதெங்க ஸொக3ந் ஹொராட்3வனான் கெர்லி,
நு:ருபா3ள்னு ஸெர, ஹொயே காமுன் கெர்லி ஜிவ்வாயி!
பெ3டொ3:
கயோ ? ஹோராடா3, மொகா3, நொக்கோ அம்போ3 மொகொ3
ஹொராடு3, நொக்கோஸ் நொக்கோ அம்போ3 மொகொ ஹொராடு!
மெனி ஹொராட்3 கெர்லினிம் இஸ அஸ்கி கெஷ்டமுன்
ஹோய் மெனி ஸங்கன் நிகி3ள்யா :

(அங்கு3ன் அவய்)...

நாயகீயம் - Wise Words of Madurai Sriman Natana Gopala Swami

நாயகீயம்

"பாந்தகி ஹொய்யெஸ் யேட் ,

ஜெமன் ஜெம்தி அவுஸ் " மெனெத், ்

பஸெம்க2ள்ளி ஹொவ்டை3கீ யெமுட்3 ?

"பாந்தேட் தய்தொ2வ்ராஸ்,

தி3ந்ஹொயெஸ் தொகொ, ஆவ்" மெனி

காந்தெ4ரி உட்சில்ஜேடை3

களைலி கைங்கர்யம் கரொ.

D.l. Sivakumar Will Yama bring rice pudding to serve you if you plead to him saying, "luncheon is ready to be served here (in this world) and will come with you after finishing the lunch"? No chance! Yama will drag you by holding your ears saying "your time here ran out, come, the lunch for you is ready over there (in the other world)!" Understanding this truth, do service to others!

நாயகீயம்

ஹொடி மீ த3ல்ல ஹொய்கின் அத்தோஸ்

ஹொராட் கெல்லெஸ்தெ மெனெத்

உட்சில்ஜானா ஜேடய்கீ எமுட் ?

D.l. Sivakumar Will Yama give a concession if I plead saying that I would like grow up to be a man and about to get married? 

நாயகீயம்

தெ3நிக2ண்ணினு. ஸங்கி

தீ3டி அவுஸ் மெனெத்

த3ய கரொய்கி எமுட் ..

D.l. Sivakumar Yama will not wait if you seek an excuse of finishing a pending barter transaction!

நாயகீயம்

அவி க3வி நசுனாஸ்தெக நீ: மோக்ஷி

அவி ஐகெஸ்தெக ஸே மோக்ஷி .

D.l. Sivakumar There is no Salvation for those do not come, sing, or dance; Also, those who listen to it get salvation!

நாயகீயம்

ஸ்ரீ க்ருஷ்ண பரமாத்மா !

மீ ஸெஜ்ஜெ கே4ர் கெரி நா:

தொர் கொ4ம்மாதெனோஸ் ஸெய்லெ !

ஸிள்ள தொ3ளொஹோர் மொகொ ஸெய்லே!

D.l. Sivakumar Sri Krishna Paramaathma! I am not your neighbor's wife; Look, I am your own wife!; Look at me with your beautiful, cool (lotus like) eyes!

நாயகீயம்

ஸாபும் பெ3ஸ்களி ஸொகொ ரெகுனாதா2 ! - மீ

ஸம்டிலி ரியேஸ்ரேபா3 ரெகுனாதா2 !

D.l. Sivakumar Raghunatha! Like a rat in snake's mouth, I severely got stuck! Raghunatha!

நாயகீயம்

தூபு லொனி சொரி க2யெ ரெகுனாதா ! - மொர்

து3க்குனு ஜனனிகாய் ரெகுனாதா !

D.l. Sivakumar Raghunatha! You mischievously stole and ate ghee & butter; He Raghunatha! What is the cause for my miseries?

நாயகீயம்

ஸாப் ஹோர் ஸயன ஸ்ரீ ரெகுனாதா2 ! , தொகொ

ஸனொமெனி லகஸ்ரேபா3 ரெகுனாதா2 !

D.l. Sivakumar Sri Raghunatha! One who lies down on the snake bed! I long to see you, (quickly come), dear Raghunatha!

நாயகீயம்

ஆஸே தொர்ஹோருஸ் மொகொ ரெகுனாதா2 !, தூ

அவ்னாரி:யெஸ்தெ காய் ரெகுனாதா2 !

D.l. Sivakumar My desire is all with you, Raghunatha! What would I do if you don't come (how disappointing it is), Raghunatha?

நாயகீயம்

கொரிமீ பொ3வரேஸ் தொகொ ரெகுநாதா2 ! - தூ

பி2ரிஸானா ரி:யெஸ்தெ காய் ரெகுநாதா2 !

D.l. Sivakumar Raghunatha! I supplicate earnestly to come and visit me. Why do you not even turnaround to glance at me?

நாயகீயம்

பரம புருஷ. ஸ்ரீ ரெகுநாதா2 ! - மொர்

பாபுன் கடிஹேட். ஸ்ரீ ரெகுனாதா2 !

D.l. Sivakumar He! Paramapurusha! Sri Raghunatha! Cut and remove (the effects of) my misdeeds!

நாயகீயம்

நாராயணாமெனிகின் நசி க3வி

துமி பொ3வொ!

நடனகோ3பால. நாயகின்

ஸெர மிளுவாய்!

D.l. Sivakumar If you invoke Lord's Name as Narayana by dancing and singing his glories, you will be saved along with Natanagopala Naayaki!

நாயகீயம்

ஸாது3 ஜெனுலுன் ஸெந்தொ

ஸற்ஜன ஸவ்காஸுன் கர்னொ!

வாது3 வத்தான் கெரிகின் விர்தா2

தி3 ந் நு. க3ம்டு3னொகன்.

D.l. Sivakumar Associate with saints, sadhus, and pious! Don't pass time by wasting it in empty arguments and gossiping!

நாயகீயம்

ஸ்ரீ ராமா மெனிகின் ஸிங்கா3ர் ஹொயெ

ப4ஜனானு கர்னொ !

இஷ்டுள்ளுவோ! துமி அவோ!

இன்புஹோரு. கீ3த்க3வத்தக் !

அவ்டு3வோ தா3ஸுன்! துமி

அவ்டு3வோ தா3ஸுன்!

D.l. Sivakumar O Dear Ones! You come! Let us sing joyfully and chant the most beautiful Name of the Lord, Sri Rama! O Devotees! Please come and do come!

நாயகீயம்

ஹோரு ஹோரு ஹரி நமம் மெனஸ்தெங்கொ

ஹுத்ரை பா4ரு

D.l. Sivakumar Whoever chants (Lord) Hari's Name over and over, will their burden be offloaded for sure!

நாயகீயம்

"கோட் காய் தெ2வ்ரியாஸ்" மெனி புஸனு

"கோட்டி கை நீ: " மெனெத்

"தூ காய் மெனிக்" மெனி அஸனு

"வாட் யேஸ், ஜெய்யாவி" மெனனு

வத்தகரன், ஹாதும் ஹன்னவ்

ரி:யேத், வரி ப2ங்கு3ல்லனு..

ஹூன் ஹளத் ஏ லோக் ஜிவ்னமூ...

D.l. Sivakumar Translation: People ask "How many investments do you have?" (in order to assess one's wealth); If you answer them by saying "nothing exist ", they will sarcastically deride you by saying "are you really a man?"; they show you the door saying, "Exit door is here"! (On the other hand), They will (sweetly) talk if you have wealth in hand, embrace you as their dearest! What an illusory worldly life, like a turmeric paste in hot sun!

நாயகீயம்

ராமா ஸ்ரீரகு4 நந்த3நா ஹரி

ராக4வேந்த்3ரா நிச்சு

ராதிதீ3ஸுமு தொர் த்4யானு தே3 ஹரி

ராக4வே ந்த்3ரா..

D.l. Sivakumar Rama! Sri Raghunandana! Hari! Raghavendra! Bless me to meditate upon you day and night always!

நாயகீயம்

ஸிவி மொனர் தபஸ் கரெதின்னுகாய்

ராக4வேந்த்3ரா !

தூ ஸெய் கிர்பகரெதீஸ் ஸே க3தி மொகொ

ராக4வேந்த்3ரா!

D.l. Sivakumar Even if I perform (vigorous) penance standing on a piercing needle point, only by Your Grace nothing else, can I be saved, Raghavendra!

நாயகீயம்

தா3ஸுன ஸெங்கு3 மொகொ

தே3ஸ்தெ கொ2ப்3பா3க் ராக4வேந்த்3ரா!- தொர்

த3ய நீ :ஜியெத் மீ கொகொ ஹொவு ஏட்

ராக4வேந்த்3ரா!

D.l. Sivakumar When will you grant me the association of your devotees? Raghavendra! Without Your Compassion, what use my existence here has? (utterly no value!)

நாயகீயம்

ஜெகத் அநித்யம மெனி ஜல்லுவோ- ஜெனெ

மாய் பா3ப் கு3ரு தே3வுக் சொக்கட் சல்லுவோ..

D.l. Sivakumar Ponder over the fact that this world is ephemeral; Conduct yourself in righteous behavior towards Mother, Father, Guru, God!

நாயகீயம்

ஸுக2 து3க்குனு ஸமம் அல்லுவோ - ஸுக2ம்

தேய் ஸ்ரீ ஹரி த்4யான் ஸதா3 துமி தெ4ல்லுவோ..

D.l. Sivakumar Maintain equanimity in both happiness and sorrow; Meditate continuously on Sri Hari; He will bestow (upon you) ever-new Bliss!